Suliassaq 2: Sermersuup qaava

Suliakkiissummi uani misissuaavat, sermersuup qaavata ullut tamaasa annertusiartorneranut aamma/imaluunniit annikilliartorneranut suut pissutaanersut.

Suliassat marluupput:

Suliassaq 1: Ullut tamaasa aputip sermillu aakkiartornerat ilasarnerallu misissoruk.

Suliassaq 2: Sermersuup ataatsimut isigalugu annertusiarttornera annikilliartorneralu misissukkit.

PIAREERSARNEQ

Link til animation om permafrost
Grønlands indlandsis
Link til animation om albedo
Albedo

ALLAASERISAQ ATUARUK:

Sermersuup oqimaaqatigiiffii
Albedo

SULIASSAT

Apigaangat sermersuaq portussutsimigut initussutsimigullu alllisarpoq. Silaannaap kiassusaata 0°C  qulaakkaagagu sermersuaq aalersarpoq, tamannalu ingerlaannaq portussusaatigut takuneqarsinnaavoq.

Ukiup ingerlanerani sermersuup qaavata allannguutai misissussavatit.

Suliassaqarfik (Arbejdsbordet) ammaruk

OPGAVENS DATASÆT:

Annertussusaata oqimaaqatigiinnera ullormoortoq
Qaavata annertussusaata oqimaaqatigiinnera – katigussaq

Suliassaq 1: Ullut tamaasa sermersuup aattarnera aamma apummit sermimillu ilaneqartarnera misissukkit

Suliassami uani misissussavat ulluni ataasiakkaani illit nammineq toqqakkanni sermersuup qaavani qanoq pisoqartarnersoq.

    1. Suliassaqarfimmut (Arbejdsborde) iserit, tassani nunap assinga “ Qaavata annertussusaata oqimaaqatigiinnera – ullut tamaasa” toqqarlugu. Tassani takutinneqarpoq sermip qaavani ullormiit ullormut sumi allanngortoqartarnersoq. Ulloq aappalaartortaqarlunilu tungujortortalik toqqaruk. Aappalaartumik tungujortumillu qalipaasikkat suut takutinneraat nassuiaruk. Aamma nassuiaruk sermersuup annertussusaa nutaaq suminngaanneernersoq.
    2. Kurvi suullu takutinnerai nassuiakkit Aaamma nassuiaruk sooq ullormiit ullormut nikeriarnerit taama annertutiginersut.
    3. Ulloq grafimi positivimik annertuumik nikeriarfiusoq nassaariuk misissorlugulu ullormi tassani nunap assingani suut takusinnaanerlugit. Nunap assingani grafillu paasissutissat imminnut ataqatigiiffii nassuiakkit.
    4. Ulloq grafimi negativimik annertuumik nikeriarfiusoq nassaariuk misissorlugulu ullormi tassani nunap assingani suut takusinnaanerlugit. Nunap assingani grafillu paasissutissat imminnut ataqatigiiffii nassuiakkit.
    5. Nunap assingani grafimilu assigiinngissutsnut pissutsit suut aalajangiisuunerat nassuiaruk.

Suliassaq 2: Sermersuup alliartornerata milliartornerata nikerarneri qanoq ittuuppat?

Sermersuup allanngoriartornera paasilluassagaanni naammanngilaq ukiunit assigiinngitsunit ullut ataasiakkaat imminnut sanilliunnissaat. Sermip allanngoriartornerani pingaarnersaat annertunerusut isiginiartariaqarput.

Taama paasisaqartoqarsinnaavoq qaavata tamarmiusup initussusaata ilassutai ilanngaataalu katigullugit ilanngaallugilluunniit, tamannalu sanilliunneqassaaq ukiumi hydrologiskiusumi 1. september aallartittumi killiffiusumut. Tamanna taaneqartarpoq sermersuup qaavata initussusaa katigussaq.

  1. Suliassaqarfimmut (Arbejdsbordet) iserit, paasissutissallu uaniittut toqqarlugit: ”Qaavata annertussusaata oqimaaqatigiinnera”. Ukioq hydrologiskiusoq kingulleq 1. septemberimiit 31. augustimoortoq toqqaruk, tassani misissorlugu ukiup qanoq ilinerani annertussusaa katigussaq annertunerpaanersoq.
  2. Ukiumi toqqarneqartumi annertussusaa katigussaq annerpaaq sunaava?
  3. Sermersuup qaava ukiup qanoq ilinerani sermersuup qaava annertusiartornerpaasarpa, sermersuaq qaffatsillugu? Sooq taama pisoqartarpa?
  4. Sermersuup qaava ukiup qanoq ilinerani annikilliartortarpa? Sooq taama pisoqartarpa?
  5. Kurvip aallartinnera naggataanut sanilliuguk. Sermip qaavata tamarmiusup annertussusaata ukioq kaajalallugu annertusinera imaluunniit annikillinera pillugu tamatuma qanoq paasissutissippaatigut?
  6. Ukiunik marlunnik allanik 2012-iunngitsunik toqqaagit. Ukiuni toqqarneqartuni ”sermip annertunerpaaffiata” aamma ”sermip annikinnerpaaffiata” nikinganerat allaaseriuk.
  7. Ukiut toqqakkatit 2012-imut sanilliutikkit.
  8. Ukiut toqqakkavit aamma 2012-ip assigiinngissutaat pingaarnerit nassuiakkit.

UNIKAALLALAARIT – EQQARSARLUTILLU

Paasissutissani ukiut arlallit toqqakkit, eqqarsaatigalugulu sermersuup qaavata annertussusaata oqimaaqatigiinnera siunissami annertusissanersoq imaluunniit annikillissanersoq.

EQIKKAANEQ

Sermersuup qaavani allanngorartut ataatsimut isigalugit nalilersinnaassavatit. Paasissutissanit atukkannit ilisimasat ilanngutikkit.

SIUNERTAQ
  • Sermersuup qaavata annikilliartortarlunilu annertusiartortarneranut suut pissutaanerisa misissornissaat.
OQAATSIT SULIAMUT TUNNGASUT
  • Sermersuaq, qaavanit ullut tamaasa aakkiartorneq
TUNNGAVIUSUMIK ATORTUSSAT

Atuakkit:

  • Sermersuup oqimaaqatigiiffii
  • Albedo

Nassuiaat (Explainer):

  • Sermersuaq
  • Albedo
NERRIVIMMI SULLIVIMMI PAASISSUTISSAT ATAATSIMOORTUT
Annertussusaata oqimaaqatigiinnera ullormoortoq
Qaavata annertussusaata oqimaaqatigiinnera – katigussaq
MISILERAANISSAMUT ISUMASSARSIFFISSAT
Back To Top